19 апр 20:19
Янгиликлар

Спорт курашлари

Жалгасбай - Осиё чемпионати кумуш медали совриндори!

Улан-Батор шаҳрида спорт курашлари бўйича ўтказилаётган катталар ўртасидаги Осиё чемпионатининг биринчи кунги баҳслари якунига етди.

Қитъа чемпионатининг илк куни беш нафар юнон-рум курашчимиз медаллар учун баҳсларга киришганди. Улардан якунда уч нафари совриндорлар сафидан жой олди.

-87 кг вазнда курашган Жалгасбай Бердимуратов финалга қадар мағлубиятсиз етиб бориб, кумуш медаль билан тақдирланди. У олтин медаль учун кечган беллашувда эронлик Носир Ализодага 1-3 ҳисобида ютқазиб қўйди. Бердимуратов ҳисобида энди Осиё чемпионатининг олтин, кумуш ва бронза медаллари бор.