Жамал Хилл узоқ муддатга сафдан чиқди

Бунинг натижасида америкалик 34 ёшли Жамал 2026 йилнинг охиригача октагонга қайта олмайди. Шифокорлар унинг тўлиқ тикланишига бир ярим йил вақт кетишини айтишмоқда. 

Америкаликнинг сўзларига кўра, унинг тиззаси тепиш, сакраш ва октагонда ҳаракатланишга таъсир қилган.

"Маълум бўлишича, тиззамда тоғай деярли йўқ эди, шунинг учун тоғай трансплантациясини амалга оширишга мажбур бўлдим. Охирги жангларда тузук-қуруқ сакрамадим, қимирламадим, оёқларимда керагича тепмадим. Мен операциядан қочишга ҳаракат қилдим, чунки камарни қайтариб олишни жуда хоҳлардим", - деди америкалик спорт шарҳловчиси Жеймс Линчга берган интервьюсида.

Жамал Хилл шу йилнинг июнь ойида кетма-кет учинчи мағлубиятини қабул қилиб олди. У беш раунд якунига кўра ҳакамларнинг якдил қарори билан ҳамюрти Халил Раунтрига ютқазиб қўйганди. Ҳозирда Хилл UFC ярим оғир дивизиони рейтингида олтинчи ўринни эгаллаб турибди.