Мусиала нега хушини йўқотаётганини тушунтирди

Кеча "Бавария" ярим ҳимоячиси кетма-кет иккинчи ўртоқлик ўйинида – "Хайденхайм"га қарши баҳсда ўзини ёмон ҳис қилди. 15 август куни Мусиала "РБ Лейпциг" билан ўйин вақтида ўзини ёмон ҳис қилган эди.

"Авваламбор, мен билан ҳаммаси жойида! Хабарларингиз ва қўллаб-қувватлашингиз учун жуда миннатдорман!

Сизлардан кўпчилик хавотирда эканини тушунаман. Бугун хавотирларингизни тарқатиб, баъзи нарсаларни тушунтириб бермоқчиман. Менда неврологик дисфункция туфайли юзага келган, қисқа муддатли, аммо осон даволанадиган абсанслар ташхисланди. Бу, масалан, "Лейпциг"га қарши ёки ҳозир "Хайденхайм"га қарши ўйинда содир бўлган вазиятларга олиб келиши мумкин. Бир қарашда бу қўрқинчли кўринишини биламан, аммо ҳозирги вақтда бу менинг кундалик ҳаётимнинг бир қисмидир. Мен ажойиб тиббий ёрдам оляпман ва жуда оптимистик руҳдаман. "Бавария" ва менинг атрофимдагилар бу йўлда мени қўллаб-қувватлашмоқда.

Бундан ташқари, соғлиқ учун ҳеч қандай хавф йўқлигини таъкидлаш муҳим. Мутахассислар билан яқиндан ҳамкорлик қилган ҳолда, чорловни қабул қилиш ва неврологларнинг рухсати билан тузалишимга энг кўп ёрдам берадиган нарса билан шуғулланишни давом эттириш – шунчаки кундалик ҳаётим билан яшаш ва бор иштиёқим билан футбол ўйнашда давом этиш менинг шахсий истагим эди. Мен бунинг учун масъулиятни ўз зиммамга олдим. Умуман олганда, ўзимни жуда яхши ҳис қиляпман ва тўғри йўлдаман. Менга энг яхши ёрдам берадиган нарса – бу сизнинг қўллаб-қувватлашингиз остида жамоам билан ғалабалар ва совринларни қўлга киритишда давом этишдир.

Бу сизга мени яхшироқ тушунишингизга ёрдам беради деб умид қиламан. Шу билан бирга, сизнинг тушунишингизга умид қилган ҳолда, бу мавзуни бундан буён фақат энг яқин танишларим, клуб ва экспертлар даврасида тутишни истардим. Катта раҳмат", – деб ёзди Мусиала Instagram'да.