Жамоавий дастурда қиличбозларимизга омад етишмади

Кеча сабля бўйича жамоавий дастурда ғолиблар аниқланди. Афсуски, беллашувларда вакилларимизга озгина омад етишмади. Филиппинлик рақибаларини мағлуб этган қизларимиз иккинчи даврада туркиялик қиличбозларга 42:45 ҳисобида имкониятни бой бериб қўйишди.

Иккинчи сараланган жамоа сифатида иштирок этган йигитларимиз эса дастлабки даврадан эркин ўтишди. Иккинчи босқичда Филиппин 45:14, учинчи даврада Болгария 45:37 ҳисобида доғда қолдирилди. Бироқ чорак финалда испаниялик қиличбозларга 42:45 ҳисобида мағлуб бўлдик.

Бугун мусобақада 20 ёшгача бўлган тоифада рапира усталари яккалик дастурида ғолиблик учун беллашишади.