Жаско Коач Хотамбек Бойназаровга аслида нима бўлганини айтди

Мусобақанинг марказий жангида ярим ўрта вазн тоифасида UAE Warriors Лигаси чемпиони, ҳамюртимиз Хотамбек Бойназаров Португалия вакили Ренжел де Са билан баҳс олиб бориши керак эди. Бироқ турнир олдидан Бойназаровнинг соғлиғида муаммолар пайдо бўлгани сабабли жанг бекор қилинди.

Mangu Лигаси раҳбари Жасур Алижонов бунга қуйидагича муносабат билдирди:

"Хотамбек Бойназаров вазн ўлчаш маросимидан яхши ўтди. Вазн қила олди. Тикланиш пайтида соғлиғи яхши бўлмагани туфайли шу воқеа бўлди. Унда бир қатор муаммолар, жумладан, иситма пайдо бўлган. Буни бизга Хотамбекнинг мураббийлари тунги 3:00 да айтишди. Тикланиш бўлсин, деб унга яна тиббий томондан ёрдам кўрсатдик. Афсуски, ҳолати яхши бўлмагани сабабли жанг бекор қилинди. Биз учун биринчи ўринда спортчининг соғлиғи", дейди Алижонов.