Жастин Гэтжи: "Иккала қўлим ҳам Топурия билан бўлган жангдан кейин ҳалиям оғрияпти"

Унинг дам олишига сабаб бўлаётган омиллардан бири — июнь ойида Илия Топурияга қарши ўтказилган жангда олган жароҳатларидир.

"Жангдан кейин уйга қайтганимда, уч ҳафта давомида даволанишимга тўғри келди, — деди Гэтжи "Sports Illustrated" нашрига берган интервьюсида. — Мен ҳали ҳам зарба бера олмаяпман. Иккала қўлим ҳам жангдан кейин ҳамон оғрияптики, ҳали тузалмаган. Шунинг учун йил охиригача шунчаки чемпионлик мақомимдан завқланмоқчиман. Қолаверса, йилнинг биринчи ярмида аллақачон икки марта жанг ўтказиб улгургандим".

Гэтжи, шунингдек, келгуси йили октагонга қайтишни режалаштираётган Илия Топурия унинг навбатдаги рақиби бўлишига шубҳа билдирди. "Албатта, ким билан жанг қилишимни UFC ҳал қилади... Лекин бу Топурия бўлади деб ўйламайман. Шунчаки шундай ҳис қиляпман", — деди чемпион.

Эслатиб ўтамиз, Жастин Гэтжи июнь ойида "UFC Freedom 250" турнирида Илия Топурияни мағлуб этган эди. Испан-грузин жангчисининг секундантлари тўртинчи раунддан сўнг жароҳатлари туфайли уни жангдан олишган эди.