Жасур Мирзамуҳаммедов допинг сабабли ONE FC'дан кетдими?

- Жасур Мирзамуҳаммедов бўйича ҳам янгиликлар борми?

- Жасур Мирзамуҳаммедов борасида тез орада янгилик бўлиши керак. Ҳозир MMA Series лигаси билан гаплашяпмиз. Россиянинг шу лигасида бир-иккита жанг қилиб, яна Bellator ёки ONE FC'га ўхшаган нуфузли лигалар билан шартнома тузамиз. Режамиз шу. Бу йил Жасур билан иккита жанг ўтказиб, яна каттароқ лига билан шартнома тузишни мақсад қилганмиз. ONE Championship'даги шартномамиз ҳозир тўхтаган. Сабаби, мағлубиятдан кейин лига келишувни тўхтатди.

- Битта мағлубиятдан кейин лига Жасур Мирзамуҳаммедовга бошқа имкон беришни истамадими?

- Йўқ. Энди нима деса бўлади, зерикарли жанг кўрсатгани учунми ёки нимадир минус бўлгани учунми, билмадим. Уларнинг ўзи допинг чиқди деб айтишди. Жангдан кейин допинг учун тест топширган экан, таҳлили ижобий чиқибди. Шартномани вақтинчалик тўхтатамиз, кейин яна қабул қиламиз дейишди.

Эслатиб ўтамиз, Жасур Мирзамуҳаммедов ONE FC лигасида иккита жанг ўтказиб, битта ғалаба ҳамда битта мағлубият қайд этган эди.