09 сен 14:15
Янгиликлар

Таэквондо

Жасурбек Жайсунов номзоди ООК Атлетлар комиссияси учун илгари сурилди

Осиё Олимпия кенгаши (ООК) ташкилотнинг Атлетлар комиссияси таркибига сайланиш учун номзодларни эълон қилди.

Унда таэквондо WТ бўйича Ўзбекистон терма жамоаси аъзоси, Ханчжоу-2022 Осиё ўйинлари совриндори Жасурбек Жайсунов Марказий Осиё минтақасидан номзодлар қаторида қайд этилган.

Унинг рақиблари қояни забт этиш бўйича Париж-2024 Олимпия ўйинлари иштирокчиси, қозоғистонлик Амир Маймуратов ҳамда эронлик таэквондочи, Париж-2024 Олимпиадаси чемпиони Ариан Салими бўлади.

Овоз бериш жараёни Аичи-Нагоя-2026 Осиё ўйинлари давомида, 20 сентябрдан 2 октябрга қадар Японияда бўлиб ўтади. Овоз беришда фақат Осиё ўйинларида иштирок этаётган спортчилар қатнашиши мумкин.