Жавоҳир Синдаров Абу-Даби турнири совриндори бўлди

Ушбу мусобақада 31 мамлакатдан келган 148 нафар шахматчи ғолиблик учун кураш олиб борди. Турнирда иштирок этган истеъдодли гроссмейстеримиз Жавоҳир Синдоров 9 тур натижаларига кўра 7 очко жамғарди ва 2-ўринни эгаллади. 1-ўрин ҳиндистонлик Аржун Эригаисига насиб этган бўлса, кучли учликни нидерландиялик Жорден Ван Форест якунлаб берди. 

Шунингдек, ушбу турнирда яна бир нечта шахматчиларимиз ҳам ўз имкониятларини синовдан ўтказишди. Унга кўра, Нодирбек Ёқуббоев 6,5 очко билан 5-ўринга жойлашди, 6 очко жамғарган Шамсиддин Воҳидов эса 20-ўринни эгаллади. 5,5 очкога эга бўлган Нилуфар Ёқуббоева 40-поғонани банд этган бўлса, Муҳиддин Мадаминов 5 очко тўплаб 47-ўрига жойлашди. Яна бир шахматчимиз Бобир Сатторов 5 очко тўплаб 59, Алмас Раҳматуллаев 4,5 очко билан 83-ўринни эгаллади.