12 апр 11:02
Янгиликлар

Шахмат

Жавоҳир Синдаров БААдаги яна бир турнирда совриндор бўлди

Бирлашган Араб Амирликларининг Фужейра шаҳрида “Chess for Life — Fujairah, Ramadan” халқаро блиц-турнири якунланди.

Ушбу турнирда 25 давлатдан 168 нафар шахматчи иштирок этди.

“Chess for Life — Fujairah, Ramadan” халқаро блиц-турнирида ўзбекистонлик шахматчимиз, гроссмейстер Жавоҳир Синдаров 9 имкониятдан 8 очко жамғариб, 2-ўринни эгаллади.

Маълумот учун, Жавоҳир Синдаров Бирлашган Араб Амирликларининг Шаржа шаҳрида 9 апрель куни якунланган шахмат бўйича «Рамадан опен» халқаро турнирида ҳам иштирок этиб, бронза медали соҳибига айланган эди.