04 дек 22:17
Янгиликлар

Бокс/ММА

ЖЧ-2025: Саят Ильясов фаластинлик рақибини муддатидан олдин мағлуб этди

Бирлашган Араб Амирликларида бокс бўйича катталар ўртасидаги Жаҳон чемпионати бошланди.

Мусобақада -63,5 кг вазн тоифасида юртимиз шарафини ҳимоя қилаётган Саят Ильясов илк босқичда Фаластин вакили Анас Слейманга қарши рингга кўтарилди.

Жанг 2-раунддан сўнг тўхтатилди. Боксчимизнинг мутлақ устунлигидан сўнг фаластинлик боксчининг мураббийлари 2-раунддан сўнг жангни давом эттирмасликка қарор қилишди. Саят жанг мобайнида рақибини нокдаун ҳолатига ҳам тушириб қўя олди.

Энди Ильясов иккинчи босқичда Қирғиз Республикаси вакили О.Ливазага қарши жанг ўтказади.