30 окт 17:11
Янгиликлар

Теннис

Жек Дрэйпер қаторасига олтинчи ғалабасини тантана қилди

Дунёнинг 15-ракеткаси бўлиб турган Жек Дрэйпер Париж "Мастерс" турнирида муваффақиятли старт олди.

Британиялик теннисчи илк даврада ATP рейтингида 30-ўринни эгаллаб турган чехиялик Иржи Лехечкани 7/5, 6/2 ҳисобида таслим этди. Жек бу ғалабаси билан теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1.

Саксон саккиз дақиқа давом этган баҳсда Дрэйпер 6, Лехечка 5 та эйс зарбасини амалга оширди. Иккала теннисчи ҳам 4 тадан қўшхатога йўл қўйди. Брейклар бўйича мутлақ устунлик ғолиб теннисчи томонида - 3 га 0! Дрэйпер қаторасига олтинчи ғалабасини қўлга киритди. Унинг навбатдаги рақиби америкалик Тэйлор Фритц бўлади.