Жессика Пегула Берлинни забт этди

Мусобақа бош соврини дунёнинг бешинчи ракеткаси Жессика Пегулага насиб этди. Америкалик теннис маликаси ҳал қилувчи финал учрашувида WTA рейтингида 24-ўринни эгаллаб турган россиялик Анна Калинскаядан 6/7(0), 6/4, 6/4 ҳисобларида устун келди.

Теннисчиларнинг ўзаро иккинчи учрашувида ҳам Жессика зафар қучди. Икки соату 33 дақиқа давом этган баҳсда Калинская 2, Пегула 7 та эйс зарбасини амалга оширган. Иккала теннисчи ҳам 2 тадан қўшхатога йўл қўйди. Брейклар америкалик теннисчида биттага кўпроқ бўлди - 6 га 5. Берлиндаги муваффақиятли иштирок Пегулага 123 480 евро мукофот пули ҳамда 500 рейтинг очкосини тақдим этди.