Жейк Пол: "Биз Хабибни нафақадан қайтаришимиз керак"

"Дональд Трамп менинг Хабиб билан жангимни кўришни хоҳлашини ва бу ажойиб жанг бўлишини айтди. Ташкил этиш мумкин бўлган энг катта жанг - бу ММАда Макгрегорга қарши менинг жангим. Аммо ММАда Хабиб билан жанг ҳам катта даражада бўлади, шунинг учун биз Нурмагомедовни нафақадан қайтаришимиз керак. Уни пул билан қизиқтиролмасам керак, лекин, эҳтимол, биргаликда бирор қизиқарли ва фойдали иш қилишимиз мумкин. Масалан, Доғистондаги қишлоқларни қайта қуриш тарафдориман", - деди америкалик Complex нашрига берган интервьюсида.

16 май куни Most Valuable Promotions ўзининг биринчи аралаш яккакураш турнирини ўтказади. Унинг асосий воқеаси ярим енгил вазн тоифасида Ронда Роузи ва Жина Карано ўртасидаги аёллар жанги бўлади.

Жейк Полга келсак, у охирги марта ўтган йилнинг декабрь ойида рингга чиққан ва олтинчи раундда оғир вазн тоифасида бокс бўйича собиқ жаҳон чемпиони Энтони Жошуага нокаут билан ютқазган эди.