Жейк Пол ММА жангчиларига: «Болакайлар, сиз бокс туша олмайсиз!»

Жейк ММА жангчилари бокс қоидалари бўйича ўтказиладиган жангда унга тенг кела олишларига шубҳа қилмоқда.

«Сўнгги икки йил ичида мен тўртта жанг ўтказдим. Агар сиз катта жангларда иштирок этсангиз, бу вақт ичида мендан-да кўпроқ жанг ўтказишнинг сира иложи йўқ. ММАнинг кучлиларини навбатга қўйинг, мен уларни бирма-бир енгаман. Болалар, сиз қандай бокс тушишни билмаяпсиз. Мен UFC'нинг беш карра чемпионини мағлуб этдим. Витор Белфорт ғалаба қозонишга ҳам яқин келмади.

Йигитлар, сиз бокснинг ёмон жиҳатлари ҳақида ҳеч нарса билмайсиз! Мен ҳозиргина энг яхши ММА жангчиларидан бири билан жанг қилдим ва уни урдим, жароҳатланган тирсаклар билан жангга чиқдим. Хуллас, қўрқаман деганларга жойини кўрсатиб қўйишим мумкин», - деди Пол «ММА вақти» кўрсатувига берган интервьюсида.

Аввалроқ, Жейк Пол, агар Тriller промоутерлик компанияси раҳбарияти банк ҳисоб рақамида ўттиз миллион доллари борлигини исботласа, Витор Белфорт билан учрашув бўйича музокараларни бошлашга тайёрлигини маълум қилган эди.