30 авг 18:40
Янгиликлар

Бокс/ММА

Жейк Пол реванш учун Тайрон Вудлига жуда ғалати шарт қўйди. Вудли рози бўлди

Бугун тонгда блогер Жейк Пол собиқ UFC чемпиони Тайрон Вудлини очколар ҳисобига кўра мағлуб этган эди.

Жанг тугаганидан сўнг икки жангчи ҳам интервью берди. Тайрон Вудли Жейк Полдан реванш жанги сўради. Аввалига ака-ука Поллар бунга рози бўлишмади. Уларнинг фикрича, жанг Жейк Полнинг катта устунлиги билан якунланган ва реванш борасида гап-сўз қолмаган.

Тортишувлардан сўнг Жейк Пол Тайрон Вудлига ўз шартини айтди. "Реваншга рози бўламан, фақатгина оёғингнинг сон қисмига "I love you Jake Paul", - деб татуировка туширасан", - деган Жейк Пол. Тайрон Вудли эса бунга рози бўлди ва икки жангчи "беш" ташлашди.

Шу тариқа, Тайрон Вудли оёғига татуировка туширса, реванш ўтказилади.

Эслатиб ўтамиз, Жейк Пол учун бу жанг биринчиси эмас. У бундан олдин, яна бир собиқ UFC жангчиси Бен Аскренни нокаутга учратганди.