Жейк Пол Витор Белфортнинг «вызов»ига жавоб берди

«Ростини айтсам, бундай бўлади деб ўйламаган эдим. Бу кутилмаган ҳолат эди, чунки ростини айтсам, уларда бундай пул йўқлигини ҳаммамиз биламиз.

Бу уларнинг ақлли ҳаракати эди, чунки улар шов-шув кўтаришди, энди биз улар ва Витор ҳақида гаплашяпмиз - бу бизнес, ҳамма нарса тўғри. Лекин биламизки, уларда бу пул йўқ, шунинг учун уларнинг сўзлари ғалати туюлади. Агар улар бу маблағга эга эканликларини исботласалар, пулни банкдаги ҳисоб рақамига жойлаштирсалар, бу бутунлай бошқача воқейлик бўлади, лекин биз улар билан ишлаганмиз ва улар бундай пулга эга эмаслигини биламиз».

Бундан ташқари, Пол ўтган ҳафта дам олиш кунлари афсонавий Эвандер Холифилдга қарши кечган жангда ғалаба қозонган Витор Белфорт унинг орзусидаги рақиби эмаслигини аниқ айтди.

«Витор унчалик катта номга эга эмас. Бу ҳатто Тайрон Вудлиникига ўхшамайди. Ва мен жангдан жангга қадар ўсишга ҳаракат қиламан, ўзим учун юкламаларни оширишим керак. Менимча, Витор мен учун Тайрондан кўра осонроқ рақиб. Унинг ёши катта, шунинг учун мен бу жангни хоҳламайман, лекин мени пул жалб қила олади. Агар улар пулни банк ҳисоб рақамига қўйишса ва уларнинг борлигини исботлашса, эҳтимол биз музокараларни бошлаймиз», - деди Жейк Пол.