20 май 11:31
Янгиликлар
Волейбол
Жиро Д'Италия. Гавирия 4та босқичда ғалаба қозонган биринчи колумбиялик
Италия йўллари бўйлаб давом этаётган нуфузли Жиро д’Италия кўпкунлик велопойга мусобақаси ўзининг ҳал қилувчи палласига кирди.
Колумбииялик велопойгачи Фернандо Гавирия кеча ўтказилган 13-босқич баҳслари ғолибига айланди. Quick-Step Floors жамоаси вакили бир кун аввал 12-босқичда ҳам ғолиблик шохсупасига кўтарилган эди.
Бу билан 22 ёшли Фернандо Гавирия Жиро д'Италия мусобақасининг 4 та босқичида ғалаба қозонган биринчи колумбиялик спортчига айланди. У белгиланган 167 км масофани 3 соату 47 дақиқа 45 сонияда босиб ўтди.
Иккинчи ўринни ирландиялик Сэм Беннетт (Bora-Hansgrohe) эгаллади. Кучли учликка бельгиялик Яспер Стейвен (Trek–Segafredo) якун ясади. Ўтказилган 13та босқич якунларига кўра голландиялик Том Дюмулен пешқадамлик қиляпти.
Ҳавола :
Фикрлар