UZ

Сўнгги янгиликлар

13:44Де ла Фуэнте Испаниянинг Англиядан учраган мағлубияти ва тўхтатилган тарихий серия ҳақида гапирди 0 13:13Расман. Mangu 7 турнирининг санаси ва манзили эълон қилинди + ПОСТЕР 0 12:42Дзюдочиларимиз "ШҲТ Очиқ кубоги"да 7 та медаль қўлга киритишди 0 12:11UFC Fight Night 296 турнирининг асосий жанги эълон қилинди + ПОСТЕР 0 11:40Мадрид мэри ЖЧ-2030 ҳақида: "Агар финал Испанияда ўтмаса, бу ҳақорат бўлади" 0 11:09WBA Мунгия ва Мелиқўзиев ўртасидаги чемпионлик жанги учун янги буйруқ берди 0 10:38UFC жангчиларининг Ган - Хокит жангига муносабати: "UFC`нинг энг яхши оғир вазн жанги!" 0 10:07Уч кундан кейин Шимкентда жанг қиладиган Одилхоннинг рақиби ўзгарди + ПОСТЕР 0 09:36Англия терма жамоаси Испаниянинг рекордига чек қўйди 0 09:05Чирчиқда Ўзбек жанг санъати бўйича Ўзбекистон Кубоги ўтказилди 0 08:3419 ёшли Мирра Андреева Якуний WTA турнири чемпиони бўлди 0 08:03Total Chess. Абдусатторов иштирок этган турнирда 1/2 финалчилар аниқланди 0 07:32Миллатлар лигаси. Италияда йирик мағлубият, Зидан шогирдлари зафар қучишди, Испания ниҳоят ютқазди 0 07:01Шара Буллет UFC`да 100 миллионга жангда ютқазишни таклиф қилишгани ва ҳатто рақибни ҳам айтиб ўтди 0 18:41Белбоғли кураш. Кучлилар Фарғонада аниқланди 0

24 ноя 22:55
Янгиликлар

Кураш

Жиззах 56 000 доллар мукофот пулига эга жаҳон чемпионатига мезбонлик қилмоқда

Теглар :  Белбоғли кураш
Жиззахда Президент соврини учун белбоғли кураш бўйича ўтеазиладиган Жаҳон чемпионати олдидан матбуот анжумани бўлиб ўтди.

Тарихи уч минг йилдан зиёд бўлган миллий спорт туримиз – белбоғли кураш бугун дунё бўйлаб тобора кенг қулоч ёймоқда. 

Ўзида мардлик, ҳалоллик, жасурлик, ватанпарварлик каби фазилатларни мужассам этган ушбу спорт тури 2017 йилда Туркманистоннинг Ашхобод шаҳрида ўтказилган ёпиқ иншоотлардаги ва жанговор санъатлар бўйича Осиё ўйинлари дастуридан жой олди. Унда ўзбекистонлик полвонлар терма жамоамизга энг кўп медалларни тақдим этишди.

Россияда бўлиб ўтган Бутунжаҳон Универсиадасида ҳам белбоғли курашчиларимиз энг кўп медалларни қўлга киритишга муваффақ бўлди. Қисқача айтганда, ҳар йили ўтадиган ёшлар, ўсмирлар ва катталар ўртасидаги жаҳон чемпионатлари, халқаро турнирларда полвонларимиз муносиб иштирок этиб келишмоқда. 

Белбоғли курашни дунё миқёсида кенг оммалаштириш мақсадида жорий йил 27 сентябрда Литванинг Вильнюс шаҳрида Жаҳон белбоғли кураш ассоциацияси (ЖБКА)га асос солинди ва расман Европа Иттифоқида рўйхатдан ўтказилди. Янги халқаро спорт ташкилотига ҳамюртимиз Азизбек Абдухалилович Ғаниев раис этиб сайланди.

Орадан ҳеч қанча вақт ўтмай, 7-10 октябрь кунлари тарихда илк бор Украинанинг Львов шаҳрида белбоғли кураш бўйича эркаклар ва аёллар ўртасида биринчи Европа чемпионати ўтказилди. Юқори савияда ташкил этилган ушбу чемпионатда 100 нафарга яқин полвон беллашди.

Мазкур чемпионат доирасида Жаҳон белбоғли кураш ассоциациясининг конгресси ҳам бўлиб ўтди. Конгрессда Жаҳон белбоғли кураш ассоциацияси томонидан амалга оширилаётган ишларга оид ахборотлар тингланди, ташкилий масалалар ҳамда ижроқўм сафини кўпайтириш, Осиё ва Пан-Америка белбоғи кураш федерацияларини очиш хусусида ҳам келишиб олинди. Бу эса белбоғли курашимизнинг дунё бўйлаб янаям кенг қулоч ёйиб бораётганидан дарак беради.

Белбоғли курашни сайёрамиз бўйлаб оммалаштириш, айнан белбоғли кураш орқали юртимиз шаъни ва шуҳратини жаҳон спорт майдонларида тарғиб этиш, қолаверса белбоғли курашни Олимпия ўйинлари дастурига киритиш Жаҳон белбоғли кураш ассоциациясининг (ЖБКА) бош мақсади саналади. Бунинг учун ассоциация томонидан узоқ йиллик пухта ва истиқболли режа ишлаб чиқилмоқда.

Жорий йил 24-27 ноябрь кунлари Жиззах шаҳрида белбоғли кураш бўйича илк маротаба 2001-2003 йилларда туғилган ўсмирлар ва қизлар ўртасида Ўзбекистон Республикаси Президенти соврини учун жаҳон чемпионати ташкил этилмоқда.

Мусобақа Жиззахдаги “Сўғдиёна” спорт мажмуасида бўлиб ўтади. Унда Россия, Озарбайжон, Беларус, Латвия, Литва, Молдова, Руминия, Италия каби дунёнинг 30 га яқин мамлакатидан 300 нафардан ошиқ полвонлар иштирок этиши кутилмоқда.

Жиззах шаҳридаги "Ўзбекистон" меҳмонхонасида жаҳон чемпионати олдидан матбуот анжумани ташкил этилди. Унда Жаҳон белбоғли кураш ассоциацияси раиси Азизбек Абдухалилович Ғаниев, Жиззах вилояти туризм ва спорт бош бошқармаси бошлиғининг ўринбосари Иномжон Тожибоев, Ўзбекистон белбоғли кураш федерацияси раиси Равшан Дастиров, белбоғли кураш бўйича терма жамоа бош мураббийи Усмон Махаматов ҳамда оммавий ахборот воситалари ходимлари ҳамда блогерлар иштирок этди.

- Ушбу мусобақани бежиз Жиззах шаҳрида ташкил этмадик. Чунки бизнинг асосий мақсадларимиздан бири белбоғли курашни юртимизнинг барча гўшаларида кенг оммалаштиришдан иборат. Жиззах вилояти ҳокимлиги мазкур чемпионатни қабул қилиш таклифи билан чиқди. Шуни алоҳида таъкидлаш керак, ташкилотчилар мусобақани юқори савияда ўтказиш учун астойдил тайёргарлик кўришмоқда. Умид қиламизки, жаҳон чемпионати мухлислар ва меҳмонларда яхши таассурот қолдиради, - деди матбуот анжуманида Азизбек Абдухалилович Ғаниев.

Дарвоқе, жаҳон чемпионати доирасида Жаҳон белбоғли кураш ассоциациясининг Конгресси ҳам ўтказилиб, унда Осиё ва Пан-Америка федерацияларини тузиш каби масалалар ҳам муҳокама қилинади.

Жиззахдаги “Сўғдиёна” спорт мажмуасида ўтадиган ушбу жаҳон чемпионати белбоғли кураш қоидаларига кўра, белбоғли кураш ва эркин йўналишларида ўтказилади. Унда ёшлар -57, -62, -68, -75, -82, -90, -100 ҳамда +100 кг. вазн тоифаларида куч синашса, қизлар -48, -52, -58, -66, -76 ва +76 кг. вазнларда ғолиблик учун баҳс олиб боришади.

Эслатиб ўтамиз, Ўзбекистон Республикаси Президенти соврини учун мазкур жаҳон чемпионатида мукофот жамғармаси 56 000 АҚШ долларини ташкил этади.

Илҳом РАҲМОНОВ тайёрлади

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг