13 июн 17:18
Янгиликлар
Велоспорт
Жиззахда навбатдаги бепул велосипед сайли ўтказилади
Ўзбекистон велосипед спорти Федерацияси Сиз азиз ҳамюртларимизни ва юртимиз велосипед спорти ихлосмандларини Федерация томонидан ташкил этилаётган навбатдаги “Велосипедчилар сайллари”га таклиф этади.
Спорт байрами бу сафар 18 июнь куни Жиззах шаҳридаги «Шароф Рашидов боғи»да, 21 июнь куни эса Зомин туманидаги «Зомин истирохат боғи»да ўтказилади.
Тадбирлар соат 16:00 дан 19:00 гача бўлиб ўтади.
“Велосипедчилар сайли”да Ўзбекистон велосипед спорти Федерацияси томонидан тажрибали мураббийлар, мутахассислар ва республикамиздаги таниқли спортчилар мастер-класс ўтказишади.
Ўзбекистон велосипед спорти Федерацияси барча ҳаваскор велосипедчилар, велосипед ихлосмандларини ушбу сайлларга таклиф этади.
“Велосипедчилар сайли”да велосипеддан фойдаланиш истагида бўлган иштирокчилар ўша куни соат 16:00 дан 19:00 гача паспортлари билан рўйхатдан ўтиб, бепул велосипед оладилар. Шундан сўнг белгиланган ҳудудда сайл қилишлари мумкин бўлади.
Ҳавола :
Манба : olympic.uz
Фикрлар