Жо Роган UFC оғир дивизионининг қутқарувчисини айтди

Аммо Жо Роган ташкилот кураш бўйича Олимпия чемпиони, жорий йилда яккакурашлар оламида ўзини ёрқин намоён этган Гейбл Стивсон билан шартнома имзолаганида барчаси ўзгаришига ишонади.

"Гейбл Стивсон ўша йигит. Дивизионни қутқариши мумкин бўлган ҳалоскор. У ҳали UFC’да ҳам эмас. Олимпия чемпиони, ақл бовар қилмайдиган атлет, 250 фунт (113 кг), мушук каби ҳаракат қилади. У - ўша. Гейблнинг сўнгги жанги видеосини Дан Уайтга юбордим. Унга "бу йигит келганида ҳаммаси тугайди", деб ёздим.

У рақибини чап хук зарбаси билан нокаутга учратди, кейин эса аллақачон ўчирилган одамни тейкдаун қилди. Бу шунчаки ақлдан озиш. Бу йигитнинг тезлиги ақл бовар қилмас даражада. Биринчидан, у аллақачон яхши боксга эга, гарчи у зарба беришни атиги бир йил машқ қилган бўлса-да. Бундай тезлик оғир вазнлилар учун ақлсизликдир", - деди UFC шарҳловчиси.

Маълумот учун, Токио-2020 Олимпиадасининг эркин кураш бўйича чемпиони, 25 ёшли Гейбл Стивсон шу йилнинг сентябрь ойида аралаш яккакурашларда дебютини муваффақиятли ўтказганди. У LFA 217 турнирида Брэден Петерсонни бир ярим дақиқада нокаутга учратганди. Икки ҳафта олдин эса APFC лигасида Кевин Хейнни мағлуб этиш учун 24 сония вақт сарфлади.

Октябрь ойида Жон Жонснинг шогирди бўлган америкалик оғир вазнли Стивсон Dirty Boxing лигаси турнирида Билли Свонсонни 15 сонияда нокаутга учратиб, гибрид қоидалар бўйича жангларда муваффақиятли дебют қилди.