23 май 09:31
Янгиликлар

Теннис

Жо-Вилфрид Цонга Лионда 1/4 финалга чиқди

Франциянинг Лион шаҳрида ўтказилаётган ATP турнири ўзининг қизғин палласига кирди.

Сайёрамизнинг 85-ракеткаси Жо-Вилфрид Цонга ўз ватандошлари кўз ўнгида ўтаётган турнирдаги муваффақиятли иштирокини давом эттирди. Бу сафар франциялик ракетка устаси канадалик Стивен Диез устидан 3/6, 7/6(2), 6/3 ҳисобидаги иродали ғалабага эришди.

Учрашув 2 соату 42 дақиқа давом этган. Энди 34 ёшли Цонга Open Parc Auvergne-Rhône-Alpes Lyon турнирининг чорак финалида грузиялик Николоз Басилашвилига қарши кортга чиқади. Грузин теннисчиси иккинчи босқичда франциялик Тристан Ламазинни мағлуб этди.