Жокович Geneva Open 1/2 финалига чиқди

Дунёнинг биринчи ракеткаси Новак Жокович Gonet Geneva Open бош соврини учун асосий даъвогар бўлиб турибди. Сербиялик теннисчи 1/4 финалда рейтингнинг 27-поғонасидан жой олган нидерландиялик Таллон Грикспурни мағлубиятга учратди - 7/5, 6/1.

Теннисчиларнинг ўзаро учрашувларидаги мутлақ устунлик Новак томонида - 4:0. Етмиш саккиз дақиқа давом этган баҳсда иккала теннисчи ҳам 4 тадан эйс зарбасини амалга оширишган. Қўшхатолар Таллонда анча кўпроқ бўлди - 5 га 1. Грискпур битта ҳам брейкка эриша олмади - 0:4. Энди Жокович чехиялик Томаш Махачга қарши кортга чиқади.