12 июл 09:09
Янгиликлар
Теннис
Жоковичнинг чемпионлик ҳимояси давом этади
Мавсумнинг учинчи "Катта Дубудға" турнири ўзининг қизғин палласига кириб улгурди.
Жаҳоннинг иккинчи ракеткаси, сербиялик Новак Жокович турнирнинг чорак финалида АТР рейтингида 7-ўринда бораётган россиялик Андрей Рублёвга қарши баҳс олиб борди.
Икки соату 51 дақиқа давом этган учрашувда Жокович 4/6, 6/1, 6/4, 6/3 ҳисобларида ғалаба қозониб, 1/2 финал иштирокчисига айланди. Теннисчиларнинг ўзаро учрашувларида Жокович ҳамон олдинда - 4:1.
Новак фаолиятида 46-бор "Катта Дубулға" турнири 1/2 финалига чиқди ва бу борада швейцариялик Рожер Федерернинг натижасини такрорлади. Энди у финал чиптаси йўлида италиялик Янник Синнерга қарши кортга чиқади.
Эслатиб ўтамиз, сербиялик теннисчи турнирнинг амалдаги чемпиони ҳисобланади.
Ҳавола :
Манба : gotennis.ru
Фикрлар