Жон Жонс: "Жароҳат мени янада кучайтирди"

У ўтган йили Миочичга қарши жанг олдидан олган жароҳати ҳақида ҳам гапирди.

"Тўғрисини айтсам, мени жуда узоқ муддатли тикланиш кутаётганини билгандим. Мен деярли барча кучимни кетказгандим ва буни қайтариш керак эди. Тикланиш жараёнининг аввалида мен етти килограмлик гантелни бошим тепасида зўрға кўтарардим. Турникда тортила олмасдим ва ортиқча вазн ҳам йиққандим. Бу ҳудди мен ғалаба қозона олмайдиган оғир жанг эди. 

Энди орадан вақт ўтди ва мен ўз кучимни, ўзимга бўлган ишончни тиклаб олдим. Жароҳат мени спортчи сифатида янада кучайтирди. Мен оптимистик кайфиятни сақлаб қолдим, мураббийларимни эшитдим ва ўзимни қўлга олдим. Ҳозирда мен зўр формадаман. Кимларнингдир адабини бериб қўйишга тайёрман", - деди Жонс.