Жонс Аспиналлга жавоб қайтарди. У Жондан камарни олиб қўйиш кераклигини айтганди

Аввалроқ ушбу вазннинг вақтинчалик чемпиони Том Аспиналл Жон Жонсдан камарни олиб қўйиш кераклигини айтганди. 

"Мен бу дунё таклиф қилиши мумкин бўлган энг қийин рақобат билан тўқнашмоқдаман. Шу тарзда 15 йил ўтди. Ҳимоя жангимга тайёргарлик кўраётганимда мен жиддий жароҳат олдим ва бу фаолиятимда илк бор жарроҳлик амалиётини ўтказишимга сабаб бўлди. 

Энди эса янги келганлар мени чемпионликдан маҳрум этиш кераклигини айтмоқда. Афсоналар билан жангдаги ғалабалар сони ноль, ҳимоя жанглари сони ноль, аммо улар Данадан нималарнидир талаб қила бошлашди. Бу ғалати. 15 йиллик фаолиятим давомида мен буюк бўлиши кутилган кўплаб йигитларни кўрдим. Аммо доим фақат битта Жон Жонс бўлган. Буни хеч қачон унутмаслик керак", - деди Жонс.