Жўрабек Каримов Грецияда иккинчи ракеткага қарши кортга чиқди

Мукофот жамғармаси 15 000 АҚШ долларини ташкил этувчи мусобақада истеъдодли теннисчимиз Жўрабек Каримов ҳам ўз омадини синаб кўряпти. Илк даврада исроиллик Жордан Хассонни 6:4, 6:3 ҳисобида мағлуб этган ҳамюртимиз бундан бир неча дақиқа аввал иккинчи босқич учрашувида кортга чиқди. 

Каримовнинг рақиби турнирнинг иккинчи ракеткаси, ATP рейтингида 472-поғонани банд этиб турган исроиллик Йшай Олиел бўлди. Икки соату 17 дақиқа давом этган учрашувда 19 ёшли Олиел 1:6, 6:3, 6:4 ҳисобида ғалаба қозониб, чорак финалга йўл олди. 21 ёшли Жўрабек эса рейтингда 629-ўринни эгаллаб турибди.