18 авг 07:09
Янгиликлар

Теннис

Жўрабек Каримов Москвада финал остонасида тўхтади

Истеъдодли теннисчимиз Жўрабек Каримов Москва шаҳрида якунига етиб бораётган мусобақанинг ярим финал учрашувини ўтказди.

“Фьючерс” туркумига кирувчи ушбу турнирнинг соврин жамғармаси 15 000 АҚШ долларини ташкил қилади. Ҳамюртимиз ярим финал баҳсида россиялик Алексей Захаровга қарши баҳс олиб борди.

Афсуски, Жўрабек Каримов ушбу учрашувда мезбон теннисчига 1:6, 3:6 ҳисобида имкониятни бой берди ва мусобақадаги иштирокини якунлади. Москва турнирининг яккалик баҳсларида қатнашган Санжар Файзиев ва Сергей Фомин иккинчи даврада мағлубиятга учрашганди.