08 авг 08:46
Янгиликлар

Теннис

Жўрабек Каримовнинг иккинчи даврадаги рақиби маълум

Беларусь пойтахти Минск шаҳрида теннис бўйича “Фьючерс” туркумига кирувчи турнир бўлиб ўтмоқда.

Соврин жамғармаси 15 000 АҚШ долларини ташкил қилувчи ушбу мусобақада икки ҳамюртимиз - Жўрабек Каримов ва Шониғмат Шофайзиев ҳам иштирок этяпти. Кеча ўтказилган биринчи давра учрашувида Жўрабек ғалаба қозонди, Шофайзиев эса мағлубият аламини тотиб кўрди.

Учинчи рақам остида таснифлангани Жўрабек Каримов латвиялик Артурс Лаздинсдан 6:4, 6:3 ҳисобида устун келди. Шофайзиев эса еттинчи рақам остида таснифланган туркиялик Анил Юкселга 4:6, 3:6 ҳисобида ютқазди. Жўрабекнинг чорак финал чиптаси йўлидаги рақиби туркиялик Сарп Агабигун бўлади.