06 ноя 09:41
Янгиликлар

Теннис

Жўрабек ва Саидаъло Қувайтдаги турнирда, рақиблар маълум

Истеъдодли теннисчиларимиз Жўрабек Каримов ва Саидаъло Саидкаримов бугундан асосий тўр баҳслари бошланувчи Қувайт давлатидаги турнирда ўз имкониятларини синовдан ўтказишади.

Мешреф шаҳри мезбонлик қилаётган ушбу “Фьючрес” туркумига кирувчи турнирнинг соврин жамғармаси 15 000 АҚШ долларини ташкил қилади. Жўрабек илк даврада хорватиялик Ален Рожик Хадзаличга қарши кортга чиқади.

Саидкаримов эса турнирнинг еттинчи ракеткаси голландиялик Скотт Гриекспур билан ҳисоб-китоб қилади. Жўрабек шанба куни Малайзиядаги турнирнинг ярим финалида айнан Скоттга имкониятни бой бериб қўйганди. Икки теннисчимиз чорак финалда ўзаро тўқнаш келиб қолишлари мумкин.