07 авг 11:51
Янгиликлар

Бокс/ММА

Жошуа - Руис реванш жанги Саудия Арабистонида ўтказилиши мумкин

Кутилмаганда Саудия Арабистони WBA, IBF ва WBO йўналишлари чемпиони Энди Руис ҳамда собиқ жаҳон чемпиони Энтони Жошуа ўртасидаги реванш жанги мезбонлигига асосий даъвогарга айланиб олди.

Шу кунгача ҳар икки боксчининг промоутерлари асосан иккита жойни жанг манзили сифатида қарашаётган эди. Биринчиси, Руис Жошуани шов-шувли тарзда нокаутга учратган АҚШнинг Нью-Йорк шаҳридаги “Мэдисон Сквер Гарден” аренаси бўлиб, уни Руис жамоаси илгари сурганди.

Иккинчи вариант - бу Британия ҳудуди, аниқроғи Уэльс марказий Кардифф шаҳридаги 80 000 томошабинга мўлжалланган маҳобатли стадион эди. Бу манзил Жошуанинг промоутери Эдди Хирн томонидан кўрсатилганди. Энди эса Саудия Арабистони ҳам реванш жангини ўтказиш истагини билдирди.