Камару Усман "хўп" деган экан

Хамзат Чимаев шифохонага тушиб қолганидан кейин австралиялик Роберт Уиттакер рақибсиз қолганди. Қисқа муддатда UFC Робертга янги рақиб топиб берди. Жангга бир ҳафта қолганида Чимаевнинг ўрнини россиялик Икрам Алискеров эгаллади. 

Собиқ UFC чемпиони Камару Усманнинг менежери Али Абдел-Азизнинг айтишича, унинг мижозига Хамзат Чимаевнинг ўрнига октагонга чиқиш таклиф қилинмаган. Али тарқалган бу хабарлар нотўғри эканини айтди. 

"Камару Усман таклифга "ҳа" деб жавоб берганди", - деди Абдел-Азиз. 

Аввалроқ, бетоб бўлиб қолган "Борз"нинг ўрнини эгаллаш учун таклиф юборилган Шон Стрикленд ва Камару Усманнинг чорловга рад жавобини бергани айтилганди. Натижада Икрам Алискеров қисқа муддатли таклифни қабул қилган эди.

Маълумот учун, ўрта вазн тоифасида ўтказиладиган Роберт Уиттакер - Икрам Алискеров жанги UFC on ABC 6 турнирининг марказий тўқнашуви бўлади. 22 июнь кунги ушбу оқшомнинг co-main event жанги эса оғир вазн тоифасида россиялик аралаш яккакураш усталари Сергей Павлович ва Александр Волков ўртасида бўлиб ўтади.

Яримўрта вазнда собиқ UFC чемпиони Камару Усман ўтган йилнинг октябрь ойида Хамзат Чимаевга қарши октагонга чиқиб, очколар ҳисобига кўра имкониятни бой бериб қўйганди.