Камбосос Теофимо Лопесни кескин танқид қилди

"Теофимо мағлубиятни қабул қила олмайди. Мен уни калтаклаб, мағлубиятга учратдим. Унга тиббий муаммолар эмас, мен зарар етказганман. Далил борми? Бўлса менга кўрсатинг. Улар йиғлашда давом этмоқда. Нимагалигини биласизми? Сабаби мен уни мағлуб этганман. Теофимо ҳеч қачон олдингидек бўла олмайди.

Қизиғи шундаки, Лопеснинг отаси у билан бўлган жангимиздан олдин пуллик трансляциялар қироллари эканлигини айтган эди. Лекин, у пуллик трансляциялар нима эканини ҳам билмайди. Теофимо ўзи хоҳлаган одамга ҳурматсизлик қилиши мумкин, лекин унинг охирги жангига қанча одам ташриф буюрди? 1600 та адашмасам? Менинг дебют жангимда кўпроқ одам келган", - деди Камбосос ўз интервьюсида.

Эслатиб ўтамиз, 2021 йил ноябрь ойида Теофимо Лопес Жорж Камбососга очколар ҳисобида мағлуб бўлганди.