Камила Валиева Пекин Олимпиадасидаги можародан кейин биринчи марта Instagram'да пост жойлаштирди

"Менинг биринчи Олимпиадам ниҳоят якунланди. Спортчи сифатида ҳаётимдаги энг муҳим воқеага мени етаклаган мураббийларим Этери Георгиевна, Сергей Викторович, Даниил Марковичга раҳмат айтмоқчиман. Сиз ўз соҳангизнинг мутлақ устасисиз! Ва сиз фақатгина шуғуллантирмайсиз, балки ўзимизни енгишни ўргатасиз. Бу нафақат спортда, балки ҳаётда ҳам ёрдам беради. Ёнимда сиз билан ўзимни ҳимоялангандек ҳис қиламан ва ҳар қандай синовдан ўта оламан. Менга кучли бўлишга ёрдам берганингиз учун раҳмат", — деб ёзади Валиева.

Шунингдек, Камила синовли кунларда уни қўллаб-қувватлаган барчага миннатдорчилик билдирди.

"Ушбу оғир даврда мен билан бирга бўлган барчага: ёнимда бўлган ва кўнглимни синишига йўл қўймаган, менга қўллаб-қувватловчи хабарларни юборган, фақат мен ҳақимда ўйлаган, ибодат қилган, менга ишонган барчага раҳмат айтмоқчиман. Мухлисларим, оилам, дўстларим, мураббийларим, бутун РОҚ жамоаси, менинг ватаним ва бутун дунёдаги одамларга раҳмат. Ҳаммага раҳмат!

Мен буни ҳар доим эслайман, сизлардан миннатдорман ва сиз учун фигурали учишда давом этаман",-дея пост қолдирди Валиева.