10 авг 12:24
Янгиликлар
Фигурали учувчилар Камила Валиева ҳамда Александра Трусовага мусобақаларда иштирок этишга рухсат берилди
Бу уларга ташкилот қоидалари асосида халқаро мусобақаларда иштирок этиш имконини беради.
Камила Валиева ва Александра Трусовага оид қарор TASS агентлиги ISU Россия спортчиларига 2026/27 йилги мавсумдан бошлаб ташкилот назорати остидаги халқаро мусобақаларда нейтрал мақомда иштирок этишига рухсат берилгани ҳақида хабар берганидан сўнг қабул қилинди.
Шунингдек, бир қатор россиялик фигурали учувчиларга ҳам нейтрал мақом берилди. Улар орасида Пётр Гуменник, Владислав Дикиджи, Мария Захарова, Дина Хуснутдинова, Александра Бойкова ва Дмитрий Козловский каби номлар бор.
20 ёшли Камила Валиева допингга қарши қоидаларни бузгани учун берилган тўрт йиллик дисквалификация муддатини ўтаб бўлгач, мусобақаларга қайтишга тайёргарлик кўрмоқда. У 2025 йил 25 октябрдан бошлаб расман машғулотларни қайта бошлаш ҳуқуқига эга бўлган.
22 ёшли Александра Трусова 2022 йилги Қишки Олимпия ўйинларининг кумуш медали соҳиби. Шунингдек, у 2021 йилги жаҳон чемпионатининг бронза медали ва Европа чемпионатларининг кумуш ҳамда бронза медалларини қўлга киритган.
ISU Россия ва Беларус спортчиларини 2022 йил март ойида, Украинадаги урушнинг авж олиши ортидан халқаро мусобақалардан четлатган эди. Бу қарор Халқаро Олимпия қўмитаси (IOC) халқаро спорт федерацияларига икки давлат спортчиларининг иштирокини чеклаш бўйича тавсия берганидан кейин қабул қилинган.
Фикрлар