Камончи Амирхон Содиқов: "Бунга ишонмаган эдим"

Амирхон Содиқов ва Зиёдахон Абдусатторова мураббийлар штаби билан тўрт йилликнинг энг нуфузли мусобақаси олдидан якуний ўқув-машғулот йиғинини ўтказмоқда. Масъулиятли старт олдидан Амирхон Содиқовнинг фикрлари билан ўртоқлашамиз:

– Лицензион мусобақадан аввал Париж-2024 йўлланмасини қўлга киритишингизга ишонганмидингиз?

– Тўғриси, ишонгандим. Боиси давлатимиз томонидан бизга яратиб берилган ажойиб шароитларга муносиб жавоб беришимиз керак эди. Мураббийларимиз билан узоқ вақт тайёргарлик кўрдик, ўз устимда ишладим. Қолаверса, лицензион турнирдан аввал Корея Республикасида ўтган Жаҳон кубогида Зиёдахон Абдусатторова билан бронза медалини қўлга киритганим янада куч бағишлади.

– Бўлажак Олимпиададан нималар кутяпсиз?

– Биринчи бор Олимпиадада қатнашаётганимиз сабабли озроқ ҳаяжон бор. Унда бошқа спорт турларидаги юртимизнинг энг кучли атлетлари билан Ўзбекистон шарафини ҳимоя қилиш ўзгача фахр беради. Ўз олдимга катта мақсадларни қўйганман. Насиб қилса, унда муносиб иштирок этиб, юртимизга ёруғ юз билан қайтамиз.