Камондан отиш. Амирхон Содиқов Олимпиада чемпионига ютқазди

Мусобақада камондан отиш баҳсларида иштирок этаётган Амирхон Содиқов 1/16 финалда Лондон Олимпиадаси чемпиони, Токио Олимпиадаси кумуш медали соҳиби ҳисобланган италиялик Мауро Несполига қарши баҳс олиб борди ва афсуски 4:6 ҳисобида ютқазди. Спортчимиз баҳсни жуда яхши бошлаганди ва 4:0 ҳисобида олдинга ҳам ўтиб олганди. Афсуски якунда италиялик мерган тажриба эвазига вазиятни ўз томонига оғдириб кетди.

Эслатиб ўтамиз, у саралашда 13-натижани қайд этган, 1/32 финалда эса аргентиналик рақибини 6:2 ҳисобида мағлуб этганди.