30 дек 13:38
Янгиликлар

Футбол

Каннаваро "Динамо" бош мураббийи этиб тайинланди

"Ювентус" собиқ футболчиси Фабио Каннаваро Загребнинг "Динамо" жамоаси бош мураббийига айланди.

Бу ҳақда Хорватия клуби матбуот хизмати хабар берди.

Таъкидланишича, 51 ёшли италиялик 3 январь куни футболчиларга таништирилади. "Динамо" 18 турдан кейин 29 очко билан Хорватия чемпионати турнир жадвалида 3-ўринни эгаллаб турибди. Пешқадам билан фарқ етти очкони ташкил этади.

"Динамо" навбатдаги ўйинини 22 январь куни Лондоннинг "Арсенал" жамоасига қарши ўтказади. Каннаваронинг сўнгги иш жойи Италиянинг "Удинезе"си бўлиб, у ерда 2024 йилнинг апрелидан июнигача ишлаган эди.