Карен Хачанов финал остонасида мағлуб этилди

Россиялик теннисчи муросасиз кечган ярим финал баҳсида рейтингда ўзида беш поғона юқорида бораётган болгариялик Григор Димитровга 7/6(3), 4/6, 6/7(5) ҳисобларида ютқазди. Теннисчиларнинг ўзаро учрашувларидаги ҳисоб йирик кўринишга келди - 3:0.  

Роппа роса 3 соат давом этган қарама-қаршиликда Хачанов 10, Димитров эса 20 та эйс зарбасини амалга оширган. Қўшхатолар Григорда кўпроқ бўлди - 7 га 3. Бугун у бош соврин учун учрашувда франциялик Уго Умберга қарши кортга чиқади.