07 июн 07:06
Янгиликлар

Теннис

Карен Хачанов "Ролан Гаррос"даги иштирокини якунлади

Франция пойтахти Париж шаҳри мезбонлик қилаётган "Катта Дубулға" туркумига кирувчи "Ролан Гаррос" турнири ўзининг ҳал қилувчи палласига кирди.

Дунёнинг 11-ракеткаси Карен Хачанов чорак финал учрашувида австриялик Доминик Тимга деярли қаршиликсиз ютқазиб қўйди. Рейтингнинг 4-поғонасидан жой олган Тим россиялик рақибини 1 соату 47 дақиқа давом этган баҳс якунида 6/2, 6/4, 6/2 ҳисобида мағлуб этди.

Доминик ўзаро учинчи учрашувда ҳам 23 ёшли Хачановни мағлуб этишнинг уддасидан чиқди. Энди Тим French Open турнирининг ярим финалида сайёрамизнинг биринчи ракеткаси сербиялик Новак Жоковичга қарши кортга чиқади.