Карло Анчелотти Мбаппе бу ёз Мадридга келмаслигига ишора қилди

Карло Анчелоттига янги мавсумда жамоа олдига қўйилган мақсадлар ва Килиан Мбаппе трансфери ҳақида саволга жавоб берди.

"Реал" доимо энг юқори натижаларни ўз олдига мақсад қилиб қўяди. "Мадрид" исталган мусобақада чемпионликни мақсад қилиб иштирок этади. Бу мавсум ҳам ҳеч қандай ўзгариш йўқ.

Жамоа трансферлари ҳақида гапирсам, мен таркибимдаги футболчиларга тўлиқ ишонаман. Жамоамизга ажойиб ижрочилар жамланган. Ярим ҳимоя ва ҳужумда вариантларимиз етарли, мен барчасидан мамнунман. Килиан Мбаппе айни дамда ПСЖ футболчиси ва биз бошқа жамоа ўйинчилари ҳақида гапириш ноўрин деб биламиз. Ҳозирда фақат битта нарсани айтишим мумкин, янги мавсумни "Реал" тўққизинчи рақамсиз бошлаши ҳақиқатга анча яқин".