06 апр 15:38
Янгиликлар

Карлос Алькараз: "Бу йил "Катта Дубулға"да ғалаба қозонишга тайёрман"

Майами "Мастерс"и чемпиони Карлос Алькараз Маrcа нашрига берган интервьюсида жорий мавсумда "Ролан Гаррос"да ғалаба қозонишга тайёрми, деган саволга жавоб берди.

"Менда ўзимга ишонч, ўйин даражаси бор, жисмонан ва психологик жиҳатдан бунга тайёрман. Балки, бу "Ролан Гаррос"да содир бўлмас, лекин бу йил "Катта Дубулға" турнирида ғалаба қозонишга тайёрман. Мен буни айтишдан қўрқмайман.

Биламан, кучли теннисчилар бор - Рафа, Медведев, Циципас, Зверев, Жокович... Уларнинг барчаси энг яхшилар қаторида ва фаворит бўлиб қолишади. Аммо мен бу мақсад сари олға боришга тайёрман, аммо бу қачон амалга ошишини билмайман. Худди шундай - рейтингнинг биринчи қаторида бўлиш ҳам. Бу муваффақиятларга имкон қадар тезроқ эришаман деган умиддаман”,-деди Алькараз.