30 окт 15:05
Янгиликлар

Теннис

Карлос Алькараз Париж "Мастерс"даги юришини бошлади

Франция пойтахти Париж шаҳрида теннис бўйича "Мастерс" сериясига кирувчи турнир бўлиб ўтмоқда.

Дунёнинг иккинчи ракеткаси Карлос Алькараз илк даврада ATP рейтингида 37-ўринни эгаллаб турган чилилик Николас Харрини мағлубиятга учратди - 7/5, 6/1. Карлос теннисчиларнинг ўзаро учрашувлари ҳисобида олдинда бормоқда - 3:1.

Тўқсон икки дақиқа давом этган баҳсда Алькараз 9, Харри 6 та эйс зарбасини амалга оширди. Брейклар бўйича устунлик ҳам табиийки, ғолиб теннисчи томонида бўлди - 4 га 1. Энди Карлос кейинги босқичда франциялик Уго Умбер ва америкалик Маркос Хирон ўртасидаги учрашув ғолибига қарши кортга чиқади.