Карлос Алькараз Пекинда муваффақиятли старт олди

Дунёнинг учинчи ракеткаси Карлос Алькараз мусобақадаги иштирокини ғалаба билан бошлаб олди. Испаниялик теннисчи илк даврада ATP рейтингида 51-поғонада бораётган франциялик Жованни Мпетши-Перрикарни икки сетда ҳам бир хил ҳисобда мағлуб этди - 6/4, 6/4.

Бу теннисчиларнинг ўзаро ўтказган илк учрашуви эди. Саксон икки дақиқа давом этган баҳсда Алькараз 4, Мпетши-Перрикар 6 та эйс зарбасини амалга оширган. Қўшхатолар француз теннисчисида анча кўп бўлди - 6 га 1. Брейклар бўйича устунлик табиийки, Карлос томонида - 2 га 0! Энди у нидерландиялик Таллон Грикспурга қарши кортга чиқади.