05 июн 10:21
Янгиликлар

Теннис

Карлос Алькараз "Ролан Гаррос" 1/2 финалида!

Дунёнинг учинчи ракеткаси Карлос Алькараз Франция Очиқ чемпионатининг ярим финал иштирокчисига айланди.

Испаниялик теннисчи "Катта Дубулға" туркумига кирувчи "Ролан Гаррос" турнирининг 1/4 финалида дунёнинг тўққизинчи ракеткаси бўлиб турган грециялик Стефанос Циципасни мағлубиятга учратди - 6/3, 7/6(3), 6/4. Теннисчиларнинг ўзаро учрашувларида мутлақ устунлик Алькараз томонида - 6:0.

Икки соату 18 дақиқа давом этган баҳсда Алькараз 3, Циципас 2 та эйс зарбасини амалга оширган. Қўшхатолар грек теннисчисида кўпроқ бўлди - 4 га 1. Брейклар бўйича устунлик ҳам худди шу ҳисоб кўринишида Карлос фойдасига - 4 га 1! Алькараз қаторасига иккинчи йил ҳам Циципасни "Ролан Гаррос" 1/4 финалида мағлубиятга учратди.