23 май 12:43
Янгиликлар

Теннис

Карлос Алькараз "Ролан Гаррос" турнирини ғалаба билан бошлади

Францияда мавсумнинг иккинчи "Катта Дубулға" турнири - "Ролан Гаррос"нинг асосий тўр баҳсларига старт берилди.

Жаҳоннинг олтинчи ракеткаси Карлос Алькараз турнирнинг илк даврасида АТР рейтингида 142-ўринни эгаллаб турган аргентиналик Хуан Игнасио Лондерога қарши кортга чиқди.

Бир соату 52 дақиқа давом этган учрашувда Алькараз рақибини 6/4, 6/2, 6/0 ҳисобида мағлуб этиб, иккинчи даврага йўл олди. Бу теннисчиларнинг илк расмий учрашуви эди. Турнирнинг иккинчи даврасида Алькараз ҳамюрти Альберт Рамос Виньоласга қарши баҳс олиб боради.