27 май 11:02
Янгиликлар

Теннис

Карлос Алькараз "Ролан Гаррос"даги юришини бошлади

Франция пойтахти Париж шаҳрида теннис бўйича "Катта Дубулға" туркумига кирувчи "Ролан Гаррос" турнирининг асосий тўр баҳслари старт олди.

Эркаклар ўртасидаги мусобақада дунёнинг учинчи ракеткаси Карлос Алькараз биринчи даврадаги рақиби, ATP рейтингида 107-поғонада бораётган америкалик Жей-Жей Вульфни сезмади - 6/1, 6/2, 6/1. Бу теннисчиларнинг ўзаро ўтказган илк учрашуви эди.

Бир соату 52 дақиқа давом этган баҳсда Алькараз 5 та эйс, 9 та брейкни амалга ошириб, 1 та қўшхатога йўл қўйди. Энди испаниялик теннисчи Франция Очиқ чемпионатининг иккинчи босқичида британиялик Жек Дрэйпердан устун келган нидерландиялик Йеспер де Йонгга қарши кортга чиқади.