29 июл 11:28
Янгиликлар

Теннис

Карлос Алькараз Умагда чемпионлик ҳимоясига киришди

Хорватиянинг Умаг шаҳрида теннис бўйича нуфузли ATP турнири давом этмоқда.

Дунёнинг бешинчи ракеткаси Карлос Алькараз мусобақадаги иштирокини ғалаба билан бошлади. Испаниялик теннисчи иккинчи даврада рейтингнинг 117-поғонасидан жой олган словакиялик Норберт Гомбошни мағлуб этди - 6/2, 6/3.

Бу билан Алькараз чемпионлик ҳимоясини муваффақиятли бошлаб олди. Айнан у турнирнинг амалдаги ғолиби ҳисобланади. Тўқсон тўққиз дақиқа давом этган баҳсда Алькараз 2, Гомбош 1 та эйс зарбасини амалга оширган. Бу теннисчиларнинг ўзаро илк учрашуви эди. Энди Карлос чорак финалда аргентиналик Факундо Баньисга қарши кортга чиқади.