05 сен 10:02
Янгиликлар

Теннис

Карлос Алькараз US Open 1/4 финалида

АҚШ Очиқ чемпионатининг амалдаги чемпиони Карлос Алькараз чорак финал иштирокчисига айланди.

Дунёнинг биринчи ракеткаси нимчорак финал баҳсида ATP рейтингида 61-поғонада бораётган италиялик Маттео Арнальдини 6/3, 6/3, 6/4 ҳисобларида мағлубиятга учратди. Бу теннисчиларнинг ўзаро ўтказган илк учрашуви эди.

Бир дақиқаси кам икки соат давом этган баҳсда Алькараз 2, Арнальди 4 та эйс зарбасини амалга оширган. Қўшхатолар иккала теннисчида ҳам 3 тадан бўлди. Брейклар табиийки, Карлос фойдасига бўлди - 5 га 1. Алькараз қаторасига иккинчи йил ҳам US Open 1/4 финалида ўйнайди.