10 фев 12:26
Янгиликлар

Теннис

Карлос Алькараз ёпиқ кортдаги илк совринини қўлга киритди

Нидерландиянинг Роттердам шаҳрида теннис бўйича ATP 500 тоифасига кирувчи турнир испаниялик ракетка устасининг ғалабаси билан якунланди.

Дунёнинг учинчи ракеткаси ҳал қилувчи финал учрашувида ATP рейтингида саккизинчи ўринни эгаллаб турган австралиялик Алекс Де Минаурни уч сет натижасига кўра мағлубиятга учратди - 6/4, 3/6, 6/2. Теннисчиларнинг ўзаро учрашувларидаги ҳисоб йириклашди - 3:0.

Бир соату 53 дақиқа давом этган баҳсда Алькараз 2, Де Минаур 1 та эйс зарбасини амалга оширган. Карлос фаолиятида илк бор ёпиқ кортда ўтказилган турнирда чемпион бўлди. Унинг фаолиятидаги умумий совринлари 17 тага етди. Бир ҳафталик меҳнат Алькаразга 500 рейтинг очкоси ҳамда 449,160 евро мукофот пули келтирди. Де Минаур эса 330 очко ва 241,650 евро ишлаб олди.